schließen


"Alles em Greff" ist erschienen
im Dabbelju-Verlag, Köln.


Alles em Greff


Datt well ich hann!

Veedel Vüür auf YouTube


Kölsch´n Blues´n Rock´n Roll

Veedel Vüür ist und bleibt eine kölsche Rock´n Roll- und Bluesband, die auf das reine Nachspielen bekannter Hymnen verzichtet. Da die 4 Kölner jedoch nicht den Anspruch haben, die Rockmusik neu erfinden zu wollen, gibt es in ihren Songs zwangsläufig immer wieder kleine Zitate von Klassikern, die sich in den bereits leicht ergrauten Köpfen der beiden Gitarristen seit den 60er Jahren bis heute angesammelt und einfach festgesetzt haben. Die mit wachen Augen und Ohren geschriebenen Texte hierzu sind Unikate in kölscher Mundart und erzählen humorvoll bis nachdenklich Geschichten des Daseins im kölschen Kosmos.
  Es gibt aber auch schon mal Sozialkritisches auf die Ohren. Hin und wieder wird Stellung zu bestimmten und aktuellen Themen bezogen. Dabei bleibt jedoch der Zeigefinger immer unten. Den brauchen wir zum Spielen. Bei den Konzerten sorgt ein eingespieltes Team mit schnörkellos vorgetragenen Rock- und Bluesstandards für kurzweiliges Kopf- und Fußwippen. Man hat sogar schon Tänzer(innen) vor der Bühne gesehen.
Das Prädikat "schnörkellos" muss man sich übrigens hart erarbeiten und – … nein, es läuft hier niemand halbnackt oder blau angemalt im Handstand über die Bühnenbretter!

Veedel Vüür sind:


Carsten Krohn — Schlagzeug
Georg Di Filippo — Bass und Gesang
Michael Blume — Gitarre
Frank Heldt — Gesang und Gitarre
Christian Heldt — Technik und Livemix


 






















schließen


Alles em Greff anhören. (Player einschalten)

Alles em Greff

Funkeleed

November ovend,
et hätt hück jeschneit,
hann köhl Jedanke
un die Naach määht sich breit
un irjendwo ohne Senn,
springk wer in d'r Rhingk.

Et Radio dat hätt wie jeden Daach
nur widder neues vun Hiob parat,
doch avv morje hüürt hä nit mieh hin,
t'ess Fastelovend am Rhingk.

Refrain:
In sing Uniform do pass hä
diss Johr su jrad noch ens renn.
Un em Stelle do dräump hä vüür sich:
"einmol Prinz zo senn"


Et janze Johr do hätt hä
jot funktioniert,
nur hätt dat am Engk
kein Sau interessiert.
Doch sing Zick ess jetz do
un hä föhlt sich janz stark!

Jot jetarnt en singer Funke-Uniform,
do jeiht et em joot,
hä kütt su richtig in Form
un irjendwo ohne Senn,
springk wer en d'r Rhingk.

In sing Uniform do pass hä ...

In sing Uniform do pass hä
diss Johr su jrad noch ens renn.
Un em Stelle do dräump hä vüür sich:
"Et ess kalt em Rhingk!"

Längs d'r Bahn

Längs d'r Bahn -
do fingk alles ahn.
Die eetzte Sperrholz-Jittar -
met nix dröm un nix drahn.

De Papp hatt jespart -
ich hatt lang drop jewaat.
ne klang wie e Brett -
doch ich nom se off met en et Bett.

Refrain:
De Finger ahm bloode
un de Sigge verross
de Zick bei verjesse,
vüür nix anderes mieh loss.
Vun morjens bess ovends
Led Zeppelin un Cream
un Hendrix-
nur krähte mer der nit su hin!


De eetzte Band -
oder wie mer dat nennt,
met einem Verstärker für Drei -
hätt jeklunge wie Brei!

Em Keller Zohuss -
wood jeprob un jelaach.
Nur mir senn die Größte -
un irjendwann kütt unseren Daach!

De Finger ahm bloode ...

Doch dann reef d'r Bund -
un do jingk et rund
Alles vorbei, denn ming Jittar
die hieß jetz G 3!

En janze Zig -
nur decke Backe Musik.
D'r Bassmann verscholle
et Schlagzeug ald lang schon vertik.

De Finger ahm bloode ...

Maden em Speck

Et jitt Minsche die hausen -
wie die Diere em Dreck
Die weden des morjens -
vun Ratte jeweck
Enen Steinwurf entfernt nur -
en enem Bungalow
do kotz jrad einer -
en ene joldene Kloo.

Refrain:
Do drenne wor et jett zo vell -
vum kahle Buffet
un drusse määht sich einer en Zupp -
us dreckijem Schnee.


He Minsche
durch et Rost jefalle
en d'r U-Bahn zohuss -
un nur noch ahm lalle
Un do die Maden em Speck -
die uns Regierung regiere
kein Ahnung vun denne -
die em Land he erfriere

Refrain:
Die drenne hann jett zo vell -
vum kahle Buffet
Die drusse die koche sich Tee -
un dreckijem Schnee


Entlasse bringk Jeld -
Entlasse spart en!
Dä Neukirchen kritt dat
bestemp widder hin
Nur om Nümaat un drunger -
do weet et jet eng
un Lambrusco weed
Nationaljetränk!

Schwatze Sheriffs em Hahnwald -
un schon hann sei rauh
Alarmanlare -
en fass jedem Bau
doch wat sich do drusse avvspellt -
interessiert die nen Dreck
T'ess nur nen Steinwurf entfernt -
un doch su wig weg.

Die drenne hann jett zo vell ...

Muskelmann

Dä Webers Män ess Stadtbekannt
Hä weed vun allen nur d'r Stier jenannt.
Paar tonne Iser täglich wegjestemp.
Eetz platz em et Heen -
dann kraach em et Hemp.

Die Fraue stonn drop, hä fingk sich joot.
Ess och sing Leitung e bessche jet koot.
Hätt immer Färf - och ohne Strand.
Sonnenbank, dä Arsch verbrannt.

Refrain:
Hä friß Tablette - wie nen Automat.
Kritt singen Job su grad noch hinjelaat.
Ess off malad!


Hä ess d'r Fitnesscenter-Muskelmann
Decke Bizeps - och söns alles stramm
En Schwarzenegger-Raubkopie
Doch et Denke deiht jet wieh!
Dat deiht em jet wieh!<

Vüür opzestonn - bruch hä nen Kran ahm Bett
Et Kreuz ess kapott - un de Frau ess weg
Hätt jarnix jemerk -
se ess mem Jasmann per Du.
- Denn zig Woche krääht hä keine mieh huh!

Hä friß Tablette ...

Schoss vun Poll

En Dinge Schoh met huhe Hacke
kress do su manche Kääl zo packe.
Met dem Balkon us Silicon,
do haus do alles us d'r Schohn

Drächs nen BH in XXL
un och dä Rest vum Fahrjestell
dä bringk selvs Lahme -
dozo et Rad zo schlare.

Refrain:
Wie do die Stroß entlang flanierst
un manche Unfall provoziers
kann ich nur saare:
met Format - dat hätt Niveau
Do bess dä schärfste Schoss vun Poll,
Do määhs de Kääls he raderdoll,
doch saach woröm kohms do zoletz -
vum Männerkloo?


Dann neulich en d'r Bäckerei
ich saaht: "Wie wör et met uns zwei"
do määhs de Muhl op,
do krääht ich bahl nen Schlag!

Met nem satte Bariton
un enem bebende Balkon
do sähs do glatt zo mir
"hück ovend halver ach!"

Refrain:
Wie do die Stroß entlang flanierst
un manche Unfall provoziers
kann ich nur saage:
met Format - dat hätt Niveau
do bess dä schärfste Schoss us Poll,
doch d'r Schlag dä trof mich voll,
ming schöne Zaubermaus -
nen Kääl un dä heiß Klaus!

Wat ich well

E bessche Minus,
ess alles wat ich hann.
Mich övver Wasser halde,
ess alles wat ich kann.
Et jeiht mir nit schlääch,
ävver och nit richtig joot.
Un övverhaup, kann ich nit saare
alles Kappes, oder alles em Loot.

E bessche Minus överall,
ob Stempeluhr, ob Bank.
Ben fass Jesund,
e bessche Spack vielleicht,
oder doch e bessche krank?
Ich föhl mich nit schlääch,
ävver och nit richtig joot.
un övverhaup, künnt ich nit saare
alles bestens, ich hann och kein Nut.

Ens einfach dunn un losse wat ich well.
Einfach dunn un losse wat ich well.
Ens einfach dunn un losse wat ich well.
Doch ich trau'mich nit,
et ess doch nur nen kleinen Schrett.


Ich mööht ech Lüje, dät ich saare,
et wöhr jetz alles dress!
Kütt nit zuletz och janz drop ahn,
wat vüür nen Wochendaach
vüürbei jejangen ess.
Zwei Daach am Wochenengk,
die reichen mir nit uss.
Uss mingem leichte Minus
kumm' ich em Läävdaach,
bestemp nit mieh eruss.

Ens einfach dunn un losse wat ich well.
Einfach dunn un losse wat ich well.
Ens einfach dunn un losse wat ich well.
Doch ich trau' mich nit,
et ess doch nur nen kleinen Schrett.
Ens einfach ...

85 Bloskapelle

Karnevalssonndaach,
em schöne Städtche Linz.
Et ess nit wig vun Kölle,
do treffs do Kunz un Hinz.
Medden om Maatplatz,
do spellen och "Dings"
zesamme met d'r Bloskapell
"decke Luff Linz".

Die trecken och in Kölle
mem Ruusemoondachszoch.
Bewäjen vell Luff
un kriejen jarnit jenoch.
Met dausend decke Backe
nur Blechmusik,
allein 39 Mol d'r neueste Höhner Hit.

Refrain:
Einmol met dä Jungs he dä Blues zo spelle,
ess mer leever als 85 Bloskapelle!


Nikuta, Räuber, Höhner,
Brings un Sonneschingk.
Un dä Herrjott un dä Petrus
sulle Kölsche senn.
Dat Funkemariesche
böck sich noh ner Kamell
un nemmp die 4 Trompete
domet janz uss em Spell.

Einmol met dä Jungs he ...
Beim Leed: "Dä Dom,
dat ess dem Rhingk sing Ding",
räänt et däm Jünther
en de Tuba erenn.
Dä Chris ahm Sax
blöös en e pund Kamelle
un määht dobei en Flunsch
su wie d'r Westerwelle.

Einmol met dä Jungs he ...

Alles em Greff

Et ess nit lang her,
do hatt's do alles em Greff.
Jetz zälls do de Ratte
om sinkende Scheff.
Doch dat Scheff es ald voll,
die Plätz reserveet.
Et sin noch vell mieh
t'ess denne och passeet.

Ding Rente verbrannt,
bei Lehmann un Co.
Häss et Wasser ahm Hals
un keiner hürt dir zo.
Ze winnisch zom Läävve,
zom Sterve ze vell
un keiner ess do,
dä et je jewäse senn will.

Refrain:
Alles em Greff,
hatt's alles em Greff.
Häss nur nit jemerk,
wors om sinkenden Scheff.
Alles em Greff,
hatt's alles em Greff.
Do kannste nix maache
om sinkende Scheff.


Et janze Läävve,
maloch vüür de Katz.
Jespart wie nen Irren,
dann jingk et ratz fatz.
Millione wie dich
hann se och jelock.
Kalt wie die Fesche,
hann se alles verzock.

Ding Hüüsjche ess fott,
hätt sich nen Bänker jekrallt.
Zom halve Preis
un bar bezahlt!
Es einer vun denne
die do metjezock.
Hät sing Schöfche em Drüje
un do jeihs am Stock.

Alles em Greff ...

Decke Zieh

Oktoberovend un et räänt nur am Stöck.
Wünsch mer dringend Mai un Juni zoröck,
doch dann schwebs do en d'r Raum,
wie en nem Frühlingsdraum

Ming Sonn jeiht op,
wie ahm hellichte Daach.
Häss wie beim eetzte Mol
mich koot ahnjelaach
un ich jläuven et kaum,
denn schon brennt d'r Baum!

Bridge:
Noh all dä Johre, die mer sich kennt,
sich ald lang nur noch noh Diername nennt,
mööht mer meine, dat jeiht doch nit mieh,
doch mer weed et wärm
vum Kopp bess en d'r decke Zieh.


Kann schon senn
dat ich jett langweilig ben.
Un off jenooch schloof ich
vüürm Fernseher enn.
Doch dann fülls do he dä Raum
un schon brennt d'r Baum!

Noh all dä Johre, die mer sich kennt ...

Mama's Rocker

En ahle Jittar en d'r Hand,
ess völlig avvjebrannt.
Hätt nur noch eins em Senn,
ene jroße Rockstar senn.
Hä hätt de Who jehoot
un och die Stones fingk hä jot.
Vun Eric Clapton janz hin,
hä well ene Rockstar senn.

Refrain:
Mamm ich hüür dich saare,
"do häss noch nix jeschaff",
doch wenn ich ene Star ben
zahl ich et Hüsje dir avv.
Mam ich hür dich saare,
"do bess doch nur fuhl",
doch ben ich nen Rockstar,
hey, dann nennt mer Dat "cool".


Stellt op de Stroß sich hin,
do wo de Minsche senn.
Doch keiner nemmp en wohr,
nur de Schmier wor schon do.
Hä spellt de Hängk sich wund,
bess hä nit mieh kunnt.
Doch he ess hä et satt,
tramp en die nächste Stadt.

Mamm ich hüür dich saare ...

Un hück es hä su wig,
hätt vüür sing Mamm kein Zick.
Et janze Johr ungerwäähs,
weil hä nen Star jetz ess.
Hä spellt en jeder Show
un keiner löss in mieh en Rau.
Hä määht jetz Pop-Musik,
vüür Rock'n Roll kein Zick.

Mamm ich hüür dich saare ...

Nit ohne Blues

Wenn do dich wunders,
wat für nen Krach,
ich ben im Keller
un bovven brennt et Daach,
ich stonn he met dä Jungs
un spell dä Blues,
et jeiht durch't janze Huus.
Ich weiß do häss schon off jehoot,
"dä Blues dä deiht mer joot!"

Schon als ich klein wor,
soss ich beim Papp om Schuuss.
Do kräht ich en zo hüre,
mol dä Swing un off dä Blues.
Off saaht hä leis zo mir
"Jung, dat ess et, wat Do bruchs"
Ich weiß do häss schon off jehoot,
"dä Blues dä deiht mer joot!"

Ich maach ming Arbeit,
wenn et senn muss och noch mieh.
Ich setz mich enn vun fröh bess spät,
vum Kopp bess en d'r Zieh,
doch hür' wat ich Dir saare klor,
et jeiht nit ohne Blues!
Ich weiß do häss schon off jehoot,
"dä Blues dä deiht mer joot!"

Dä Blues dä deiht mer joot!
Häss Do schon off jehoot!
Dä Blues dä deiht mer joot!

Op Tour

Dat Änni hätt em noch ens nohjewink,
denn hä muss jetz loss.
Met singem 30 Tonner Daimler op de Stroß,
do kennt hä sich uss.
Die blaue Kaffekann es immer dobei
un die ahle Dos us Blech.
Dat Änni hätt em noch en Botteram jemaaht,
vüür op dä lange Wäch.

Refrain:
Ejal wie et Wedder och weed,
hä ess op Tour
Ejal wie off hä em Stau och steht,
met singer Fuhr.


Met ACDC, ZZ-Top un Tom Petty
fährt hä die nächste Fuhr.
Och Jerry Lee un all die andere Cracks
hätt hä immer em Uhr.
Met ahl Cassette us em Handschuhfach
määht hä senn sing eijene Show.
Om Wääch nohuss do hürt hä Kinks un Stones
und die ahle Status Quo:

Ejal wie et Wedder och weed,
hä ess op Tour
Ejal wie off hä em Stau och steht,
met singer Fuhr.
Ejal wie et Wedder och weed,
hä ess op Tour
Ejal wie off hä em Stau och steht,
met Rock'n Roll pur!

Poller Wiss

Unger Palme en Haiti,
do wullt ich irjendwann ens hin.
Weg he uss dä laute City,
nix mieh hüüre nix mieh senn.
Hann nen Kopp wie'n ahle Fessplaat,
zo vell Date zo vell Müll,
die ich fern vun minger Heimat
ens widder lösche well.

Vüürm Hotel terek ahm Strand,
am zweiten Daach dä Pelz verbrannt.
Schon ahm fröhe Morje prall,
setz ich mich medden ob en Quall.
Super Strand-Animation,
dä Lang uss Bonn fällt uss d'r Schohn.
Un dat Ehepaar uss Bottrop,
hätt do wirklich voll dä Bock drop!

Die späte Lady do uss Lünen,
driev et fröh und driev et spät.
Zwesche Palme hinger Düne,
bess et dä Juan nit mieh deiht.
Noch zwei Woche he ahm Strand,
en alle Retze nur noch Sand.
Gnadenlos knallt he die Sonn,
ich mööht ahm leevste widder jonn.

Refrain:
Denn dä schönste Platz der Welt,
dofür bruchs de och kein Jeld,
do jangk ich morje hin, ess uns Poller Wiss,
uns Poller Wiss he ahm Rhingk!

Schröder

Jeden Daach hätt hä
dat selve Programm.
Des Morjens eruss un ovends
heim no de Mamm.
Dozweche jearbeit,
esu jot et nur jeiht.
Angs öm dä Job
maach nur nix verkeet.

Vun Mondaachs bess Fridaachs
steiht hä singen Mann.
Hält alles ahm laufe,
schwingk och ens de Pann.
De Kinder die halen en
Sonndaachs op Trapp.
Doch hück es et Samsdaach
un jlich jeiht et avv!

Do fährt Schröder,
met singer decke Maschin.
Janz en Ledder,
nom Nürburgring.
Bei zweihundert Saache,
do koch em et Bloot.
Mer kennt en nit widder,
esu jeiht et em joot!

Sibbe Fuffzich

Arbeids dich wund vüür dat bessche Jeld.
Tretts op d'r Stell, en dinger kleine Welt.
Nur en handvoll, die hann et jepack,
su einfach ess dat!

Vüür Meed un Esse,
langk jrad dingen Lohn.
Bliev nix mieh övver,
vüür Läävve un Strom,
vüür Jas un Wasser,
alles weed knapp,
su einfach ess dat!

Refrain 1:
Häss do och kein Jeld,
dat ess nit ejal.
Drink' doch eine met,
dann stell dich hingen ahn.


Refrain 2:
Grief nem nackte Mann en de Täsch
un saach jetz nit et wöhr alles Pesch.
Met Sibbe Fuffzich küss do doch hin,
saaren Die en Berlin.


Do dräums dä Draum vum eijene Heim.
Dä smarte Bänker ersteck en em Keim.
Er nennt dir Zinse
dobei määhs do schlapp,
su einfach ess dat!

Am Engk do bliev dir nur
e Bänkche em Park
un jett Jespartes
vüür nen mickrigen Sarg.
Dann bieß do en et Jras,
häss jarnix gehatt,
su einfach ess dat!

Refrain 1

Refrain 2 (2x)

Verbrannt

Dä Willi vum Jroossmaat,
pack leer Keste op Sick.
Mieh ess nit mieh drenn,
bruch die paar Euro für dä Sprit.
T'ess jäjen d'r Zedder,
hä kütt ald lang nit mieh met.

Immer volle Power, vürren ahn
un wohr vüür nix bang.
Hätt nur zo spät jemerk,
dat hä ald lang nit mieh kann.
Noh 40 Johr Maloche wie verbrannt,
joov sich nur noch die Kant.

Hä pellt sich us em Bett,
hä muß jetz loss,
t'ess veedel vüür Vier.
Naaks!
En Fahn vun he bess Ostheim,
doch et nötz nix,
hä muß jetz uss d'r Dür.
Em Jrossmaat waden se nit lang,
do bess de schnell op Hartz 4!
Em Jrossmaat waden se nit lang….
Kumm dun mer vüürher noch e Bier!!

Wo simmer dann jetz?

Ich wor en Poll, en Ostheim
un ahm Fühlinger See.
Ich wor en Nepal om K 2,
do loch mer vell zo vell Schnei.
En Venedig, do wor mer
ech et Wasser em wääch
un dann en Moskau,
han ich dä ruude Platz gefääch.

Refrain:
Ich hann ald jedaach,
ich hätt' die Welt jesenn.
Doch diesmol weiß ich wirklich
nit mieh wo ich he ben.


Wor och om Mond,
do hann ich off en Krater jebaad
un hann om Mars
met kleine, jröne Männche jeschwaadt.
Die drare Aure, Nase, Uhre,
alles ungerm Kenn.
Well jarnit wesse,
wo bei Denne bloß die Klütte senn.

Ich hann ald jedaach ...

En mingem Urlaub,
fuhr ich och off no Alcatraz
un wor mieh Zemmer besetz,
Mann do maaht ich Rabatz.
Wor och en China,
en Bali un em Legoland,
doch he wor ich noch nieh,
t'ess alles unbekannt!

Ich hann ald jedaach ...
Rock'n roll, meine Herren anhören. (Player einschalten)

Rock'n roll, meine Herren

...eins: Nit vum schöne Dom  
...zwei: Ich trau mich nit 
...drei: Agrippabad 
...vier: Schwaadsalat 
...fünf: Lävve lang 
...sechs: Dich un ming Jittar 
...sieben: Diss Naach  
...acht: Ledderbozze Dieter 
...neun: Wo simmer dann he? 
...zehn: Wie neu jebore  
...elf: Elfriede  
...zwölf: Fieber  


Määht höösch anhören. (Player einschalten)

Määht höösch

Bademetdemama

Ich kann die Köpp nit mieh senn un schmieß ming Arbeid einfach hin
ich hann jenooch vüür hück jedonn.
Dann muß wie jeden Daach, ich durch die Blechlawin´
bess ich dann endlich vüür d´r Huussdüür stonn.

Em Huus es et still, uns Pänz die senn noch all op Jöck.
Mer luhren uns ahn un dann ess klor oh jo!
Eech zo zweit en d´r Wann un dann un dann un dann.
Jelejenheite selten em Johr.
E Fläschje Schampus, e Käätzche, et Radio un söns nur mir.
doch do klopp et ahn d´r Düür. Do klopp et ahn d´r Düür (Mama!)

Dat ess d´r Bademetdemama Bademetdemama Bademetdemama –Blues.
Ich jangk Bademetdemama Bademetdemama endlich ens allein em Huus!

Et Wasser schön wärm un mer janz doll.
Doch noch dreimol dät et Schelle, et Huus widder voll.
Do jingk och noch et Telefon, et künnt jo Hollywood senn.
Mir luhren uns ahn, et Läävve hatt´ uns widder en.
E Fläschje Schampus, e Käätzche, et Radio, un söns nur mir........
De Bud widder voll, et Wasser ess kalt, en Huck wie nen Fesch,
de Kääz widder uss, statt Sekt jitt et Selters un Bier! Och nää!!

Dat ess d´r Bademetdemama Bademetdemama Bademetdemama – Blues.
Ich jangk Bademetdemama Bademetdemama, weil mer su jett ussnötze moß.
Dat ess d´r Bademetdemama Bademetdemama Bademetdemama – Blues.
Ich jangk Bademetdemama Bademetdemama endlich ens allein em Huus!

Kumm bade! Kumm bade!

T u. M F. Heldt

Mann op d´r Mor

Bei uns em Ort do jit et ne Minsch, dä ich insjeheim beneide.
Hä setz op ner Mor dä janzen Daach un hätt trotzdem kein Langeweile.
Hä setz do un lächelt d´r Lück hingerher,
die met Täsche un Tüte, vell ze schwer,
met Kind un Kejel voll em Stress
vüürbei jon als op et et letzte Mol ess.

Refr.:
Mann op d´r Mor, ich jläuv do häss räch.
Do määhs och ohne Karrier´ dingen Wääch.
Mer nennt dich zwar Penner doch jläuv et mir,
häss och nur ein Läävve doch dat jehürt dir,
häss och nur ein Läävve doch dat jehürt dir.

Vielleich wors do fröher nit anders wie mir,
ne Job en Familich e Huus.
Met Fründe do trofs do dich ovends zom Bier,
doch dann trof et Schicksal un alles wor uss.
Hück setz do he un laachs dich kapott
un bess zofredde met dem wat do häss.
Ich dät mich ens jän met dir ungerhalde,
doch dat jeiht nit weil do jo nen Penner bess ! Oder?

Bei uns em Ort do jit et ne Minsch, dä ich insjeheim beneide.
Hä setz op ner Mor dä janzen Daach un hätt trotzdem kein Langeweile.
Hä setz do un lächelt d´r Lück hingerher,
die met Täsche un Tüte, vell ze schwer,
met Kind un Kejel voll em Stress
vüürbei jon als op et et letzte Mol ess.

Mann op d´r Mor............

T u. M: F. Heldt

Fang jetz ahn

Fang jetz ahn! Fang ahn ze läävve!
Fang jetz ahn! Wodrop waads do noch?
Fang jetz ahn! Fang ahn ze läävve!
Fang jetz ahn! Wodrop waads do noch?

Als kleine Fetz, do weed et dir ald vüürjemaaht.
Wat wichtig ess em Läävve, hätt´ die Mamm jesaaht.
”Pass joot op, hüür joot zo un mach´ keinen Dress.
Un wenn do nit zur Schull jeihs, jo dann jitt et richtig Ress.

Noh d´r Schull do jeiht dann eetz richtig rund.
Määhs do eetz ding Liehr, oder jeiht et avv zom Bund.
Stramm jestande, nur Jebrüll he liers do Disziplin.
Ewig dreckisch, Klamotte naass, wo ess do d´r Senn?

D´r Ääns em Läävve kütt noch fröh jenooch,
saach ess dat wirklich alles, wodrop waats do noch?

Fang jetz ahn! Fang ahn ze läävve!
Fang jetz ahn! Wodrop waads do noch?
Fang jetz ahn! Fang ahn ze läävve!
Fang jetz ahn! Wodrop waads do noch?

30 Johr malooch, do häss ald lang jenooch.
Jeden Daach 8 Stund´, 5 Daach en d´r Woch´.
Do luhrs en ding Portemonaise, ne Mond ess richtig lang.
Dem Chef jeiht et besser, hätt Spass ob Helgoland.

D´r Ääns em Läävve kütt noch fröh jenooch,
saach ess dat wirklich alles, wodrop waats do noch?

Fang jetz ahn! Fang ahn ze läävve!
Fang jetz ahn! Wodrop waads do noch?
Fang jetz ahn! Fang ahn ze läävve!
Fang jetz ahn! Wodrop waads do noch?

Fang jetz ahn! Fang ahn ze läävve!
Fang jetz ahn! Wodrop waads do noch?

Fang jetz ahn! Fang ahn ze lääve!

Fang jetz ............

T u. M: R. Gierden

Marie

Et wohr en schöne lange Naach; noch jestern hätt´ich nit jedaach,
wat et heiss su jeck zo senn, denn nur vun Dir ben ich janz hin.
Em kopp nen Kreisel – d´r Rögge zerkratz,
et kütt noch Qualm uss d´r Matratz.
Ming Knee senn weich – ben noch janz hin,
et wohr janz einfach wunderschön.

Hey Marie – Dich verjess´ich nie!
Hey Marie – su´n Frau hatt´ ich noch nieh!
Hey Marie – jläuv mer, ich well mieh!
Hey Marie – Dich verjess´ich nie!

Ming Daach – die senn normal en grau
Un dann kütt su en Superfrau.
Ich laufen durch d´r Rään un sing,
als wöhr d´r schönste Sonneschingk.
Als hätt´s Do op nen Knopp jedröck – spelle ich total verröck.
Ich freu´ mich als d´r janzen Daach – ob die nächste lange Naach.

Hey, hey Marie, Marie, Marie
Hey, hey Marie, Marie, Marie

Hey Marie – Dich verjess´ich nie!
Hey Marie – su´n Frau hatt´ ich noch nieh!
Hey Marie – jläuv mer, ich well mieh!
Hey Marie – Dich verjess´ich nie!

T: F. Heldt
M: R. Gierden

Wat ich well

E bessche Minus, ess alles wat ich hann.
Mich övver Wasser halde, ess alles wat ich kann.
Et jeiht mir nit schlääch, ävver och nit richtig joot.
Un övverhaup, kann ich nit saare alles Kappes, oder alles em Loot.

E bessche Minus överall, ob Stempeluhr, ob Bank.
Ben fass Jesund, e bessche Spack vielleicht, oder doch e bessche krank?
Ich föhl mich nit schlääch, ävver och nit richtig joot.
un övverhaup, künnt ich nit saare alles bestens, ich hann och kein Nut.

Ens einfach dunn un losse wat ich well.
Einfach dunn un losse wat ich well.
Ens einfach dunn un losse wat ich well.
Doch ich trau´mich nit.

Ich mööht ech Lüje, dät ich saare, et wöhr jetz alles dress!
Kütt nit zuletz och janz drop ahn, wat vüür nen Wochendaach vüürbei jejangen ess.
Zwei Daach am Wochenengk, die reichen mir nit uss.
Uss mingem leichte Minus kumm´ ich em Läävdaach, bestemp nit mieh eruss.

Ens einfach dunn un losse wat ich well.
Einfach dunn un losse wat ich well.
Ens einfach dunn un losse wat ich well.
Doch ich trau´ mich nit, et ess doch nur nen kleinen Schrett.
Ens einfach................................

T u. M: F. Heldt

Jedanke ahn Dich

Schweijen em Raum mer hüürt nur dä Wind.
Dat kann et nit senn wovun ich jedräump.
Ich luhr´dich ahn do bess op Null jestellt.
Aure verrode nix zom Finster eruss.

Jedanke em Kopp do blieven se och,
well schon radiere, ess et su wig?
Jeder bruch Platz muss et och liere,
doch dingen Kopp, su hatt wie Beton.

Explosione ahm laufende Band.
Hetz steich op wohr noch unbekannt.
Wie Pioniere de Fahne jesetz,
wä weed Eetzter, well et nit senn.

Ein falsches Woot un et kütt zom Knall.
Do bess mich ahm joore, lööss mich nit frei.
Ben mich ahm ducke, well jetz eruss,
mieh Hätz dat schlääht, wat määhs do me mir?

Hann off jedaach, dat halt ich nit uss.
Do määhs mich kapott, ming Leechter jonn uss.
Kein Füür dat brennt mer weed et janz kalt,
doch dich verlosse dat well ich nit.

Su paar Momente die hann ich fixeet.
Em Zoff do senn mer eskaleet.
Am Ovend dann ess alles vüürbei,
Ärm en Ärm schlofe mer en.

Doch wenn do ens janz einsam bess
un küss nit mieh zorääch.
Ich zeich et dir, jevv mir ding Hand,
ich bliev´bei dir!

T u. M: R. Gierden

Janz leis

Jrau alles jrau, d´r eetzte bleck eruss.
Mich schon jefreut, op dat Leech, dat mich weck.
Bruch die Energie, bruch dat Jeföhl,
doch et räänt.

Mir ess et kalt läuv et mir d´r röggen eraff.
Han hück kein loss, ich mööht jetz eruss.
Nasse Asphalt, kein Minsch op d´r Stroß
un et räänt.

Leis janz leis, fingk et ahn
Leis janz leis, helt sich dran.
Leis janz leis, bliev et nit,
mingen Schrei.

Ich frooch mich wofür, maach ich dat met.
Streß op d´r Arbeid, wer hält dann noch Schritt.
Muß dat dann senn, kein Zick mieh vüür mich
un et räänt.

Leis janz leis, fingk et ahn
Leis janz leis, helt sich dran.
Leis janz leis, bliev et nit,
mingen Schrei.

Leis janz leis, fingk et ahn
Leis janz leis, helt sich dran.
Leis janz leis - bliev et nit,
mingen Schrei.

T u. M: R. Gierden

Wo senn mer dann he?

Ich wor en Poll ,en Ostheim un ahm Fühlinger See.
Ich wohr en Nepal om K 2 do loch mer vell zo vell Schnee.
En Venedig do wor mer ech et Wasser em Wääch.
Un dann en Moskau hann ich dä ruude Platz gefääch.

Ich wor en Prag do hann ich met d´r Moldau jedanz.
Un Adis Abeba dat kannt ich schon als kleine Panz.
En Grönland stoch ich su manches Iglu en brannt.
Un dann en Sydney , hat ich e Känguruh ahn d´r Hand.

Ich hann schon jedaach, ich hätt´ die Welt jesenn.
Doch diesmol weiß ich wirklich nit mieh wo ich he ben.

Wor och om Mond, do hann ich off en Krater jebadt.
Un hann om Mars met kleine jröne Männche jeschwadt.
Die drare Aure, Nase, Uhre alles ungerm Kenn.
Well jarnit wesse wo bei denne bloß die Klütte senn.

En mingem Urlaub fuhr ich och off no Alcatraz.
Un wor mieh Zemmer besetz , mann do maaht ich Rabatz.
Wor och en China , en Bali un em Legoland,
doch he wor ich noch nieh, t´ess alles unbekannt!

Ich hann schon jedaach, ich hätt die Welt jesenn.
Doch diesmol weiß ich wirklich nit mieh wo ich he ben.

Hey, hey hey, wo senn mer dann he? Jo wo senn mer dann he?
Hey hey hey wo senn mer dann he? Jo wo senn mer dann he?

T: F. Heldt
M: F. Heldt/R. Gierden

Funkeleed

November ovend, et hätt hück jeschneit.
Köhl Jedanke, un die Naach määht sich breit.
Un irjendwo, ohne Senn; springk wer en d´r Rhingk.

Et Radio dat hätt, wie jeden Daach,
nur widder neues vun Hiob parat.
Doch avv morje hüürt hä nit mieh hin,
t´ess Fastelovend am Rhingk.

Et janze Johr do hätt hä jot funktioniert.
Nur hätt dat am Engk kein Sau interessiert.
Doch sing Zick ess jetz do un hä föhlt sich janz stark!

Ess jot jetarnt en singer Funke Uniform,
do jeiht et em joot, hä kütt su richtig in Form.
Un irjendwo ohne Senn; springk wer en d´r Rhingk.

En sing Uniform do pass hä dies´ Johr su jrad noch ens renn.
Un em Stelle do dräump hä janz heimlich:
"Einmol Prinz zo senn"
Kölle Alaaf!

En sing Uniform do pass hä dies´ Johr su jrad noch ens renn.
Un em Stelle do dräump hä janz heimlich:
"Einmol Prinz zo senn"
Kölle Alaaf!

T u. M: F. Heldt

Am Engk

Uhre avvjelaufe,
kein Zick spellt mieh en roll.
Ozeane koche,
Leichendöcher voll.

Alles uss d´r Angel,
et Lot zeich en de Hüh.
Wüstensand em Himmel,
verbrannte Äad deiht wieh.

Denn Noah ess verjesse,
kein Arche hilf uns mieh.
Denn Scheffe mösse schwemme.
Doch et jitt kein Wasser mieh!
Et jitt kein Wasser mieh!

Daach ess Naach un Naach ess Daach.
Mer flejen durch d´r Raum.
Hatte Chance ohne Ende,
et wohr nen schönen Draum!

Noah ess verjesse.............

Nix Vatter Rhingk nix Mutter Ääd.
Vüür all´ dat ess et jetz zo spät.
Et Läävve rieselt durch ding Hängk.
Vüür uns ess et am Engk !

T u. M: F. Heldt

Du un ich

Jeden Daach un jede Woch´,
jeden Mond un jedes Johr.
Nur eine Jedanke, wie jeiht et wigger?
Un dann et eetzte graue Hoor!

Du un ich.
Et selve Bett, dä selven Desch
Du un ich.
Mer halde zosamme, nur du un ich.

Die Daach jonn schneller röm als fröher.
Un off jenooch weed alles ze vell.
De Zick weed kostbar, de Aure jett dröver
un op d´r Kommod´ litt ding eetzte Brell.

Du un ich.
Et selve Bett, dä selven Desch
Du un ich.
Mer halde zosamme, nur du un ich

Fründe kumme un Fründe jonn.
Manchmol bess do och schwer zo verstonn.
Fründe kumme un Fründe jonn.
Doch wichtig ess, dat mir zosammestonn.

Die halve Streck ess jetz vüürbei.
En Bilanz zo trecke, vielleicht noch jett fröh.
Behalt vüür mich nen Platz bei dir frei,
un Spaß ahm Läävve, ich ben met dobei!

Du un ich...............................

T u. M: F. Heldt

Jrad noch

Jrad noch wohr ich wo ich morje nit mieh blieve kann.
Jrad noch hatt´ich Fründe, die ich morje nit mieh hann.
Jrad noch kunnt ich laache, morje bliev nix mieh dovun.
Jrad noch wohr et nur e Wort un morje Erinnerung.

Jrad noch do wohr ich medden drenn un waach.
Woher sullt ich ahne, dat hück Ovend ess dat Engk vum letzte Daach?

Dunn mer noch ens Füür vüür die letzte Zijarett.
Ich kunnt doch noch nit wesse, dat dat morje nit mieh jeiht.
Dunn mer noch e Gläsje, et ess vüür hück dat letzte Bier.
Keiner hätt jeahnt, dat wohr ääns jemeint vun mir.

Jrad noch do wohr ich voller Levvensluss
Keiner hätt mich vüürjewarnt,
op einmol wohr mem Läävve vüür mich Schluss.

Jrad noch do wohr ich medden drenn un waach.
Woher sullt ich ahne, dat hück Ovend ess dat Engk vum letzte Daach?

Jrad noch hatt´ich Tschöh jesaaht, bess morje maaht et joot.
Wenn die Zick jekumme ess dann nemp mer singen Hoot.
Jrad noch wohr mir klor, üch all widder he zo sinn.
Woher sullt ich ahn dat ich morje ald schon nit mieh bei üch ben?

T: J. Fricke
M: R. Gierden


Nix hält uns op

...eins: Heisse Luff 
...zwei: Mer senn widder do 
...drei: Marie 
...vier: Schrei en d´r Naach 
...fünf: Vüür e paar Penning 
...sechs: Lampefieber 
...sieben: Mingen Fähler bess Do  
...acht: Jett uss d´r Übung 
...neun: Beim Sör 
...zehn: Nur die Naach 
...elf: Irjendwie nie 
...zwölf: Halt mich fass 


Marie

...eins: Marie 
...zwei: Schrei in d´r Naach 
...vier: Halt mich fass 











Hinjelangk

...zwei: Strossefess ahn d´r Himmelspooz 
...drei: Alptraum 
...sieben: Dat ess Rock ´n´Roll  
...elf: Mann op d´r Mor 









Eins null vüür d'r KEC

...eins: Eins null vüür d´r KEC 












Veedel Vüür live

...sieben: Schönen Urlaub 
...zehn: Schoss vun Poll 
...elf: Lang Jeseech 










Am Engk

...zwei: Am Engk 
...vier: Huusrock 
...fünf: Fründe 
...sieben: Maden em Speck  














schließen

31. Oktober 2013 im Alt Poller Wirtshaus

Wir freuen uns wieder mal auf ein Konzert in unserem "Heimatdorf Köln-Poll".
Um 20:00 Uhr fängt's an und der Eintritt ist frei.

Anschrift:
Poller Hauptstraße 28
51105 KÖLN



schließen

ahlerockerDas neue Album kann direkt bei uns bestellt werden. Nur Formular ausfüllen, abschicken und an die Kontonummer in der Bestätigungsmail den entsprechenden Betrag überweisen.
Nach Eingang der Zahlung gehen die bestellten CDs umgehend in die Post.

Selbstverständlich können auch unsere anderen Alben hier erworben werden.


Ich kaufe
"ahle rocker" à 10,- EUR,
"Alles em Greff" à 10,- EUR,
"Rock 'n' Roll meine Herren!" à 10,- EUR,
"Am Engk" à 5,- EUR,
"Veedel Vüür Live" à 5,- EUR,
"Nix hält uns op" à 10,- EUR,
"Veedel Vüür määht höösch" à 10,- EUR,
"1:0 vüür d´r KEC" à 3,- EUR.

Name     
Adresse     
Email     
Nachricht     
     














schließen

Inhaltlich Verantwortlicher

Veedel Vüür
Michael Blume
Poller Damm 42
51105 Köln
Deutschland

Kontakt

Fon: 0221 836396
Fax: 0221 8303779
Mobil: 0172 2118041
Internet: www.veedel-vueuer.de
E-Mail: webmaster@veedel-vueuer.de

Webworks

krohn4u.de

Haftungshinweis

Trotz sorgfältiger inhaltlicher Kontrolle übernehmen wir keine Haftung für die Inhalte externer Links. Für den Inhalt der verlinkten Seiten sind ausschließlich deren Betreiber verantwortlich.